अर्पित वाहाणे, वर्धा जिल्हा प्रतिनिधी
(मो. 8956647004)
आर्वी, 21 जुलै 2024: संत झुलेलाल जयंतीच्या निमित्ताने आदर्श एकटा सामाजिक संघटना महाराष्ट्र राज्य यांच्या वतीने भव्य वृक्ष संगोपन उपक्रम राबवण्यात आला. ज्या झाडांची लागवड मागील वर्षी 21 जुलै रोजी करण्यात आली होती, त्या 500 झाडांचे सातत्यपूर्ण संगोपन आणि देखभाल करण्याचा संकल्प यावेळी करण्यात आला.
संत झुलेलाल यांच्या स्मरणार्थ हा कार्यक्रम आयोजित करण्यात आला होता. यावेळी प्रशासनातील अधिकारी, पत्रकार बंधू, सामाजिक कार्यकर्ते, संघटनेचे सदस्य आणि नागरिक मोठ्या संख्येने उपस्थित होते.
कार्यक्रमाच्या वेळी गौतम अशोकराव कुंभारे, शोभित कुंभारे, लुक्की गोंडणे, अश्विन टेकाम, पूर्वेश गोंडणे यांच्यासह संघटनेचे कार्यकारिणी सदस्य आणि लहान चिमुकलेही उपस्थित होते. परिसरातील नागरिकांनी मुलांच्या सहभागाचे विशेष कौतुक केले.
संघटनेच्या वतीने झाडांना नियमित पाणी देणे, त्यांचे रक्षण करणे आणि पर्यावरण संतुलन राखण्यासाठी प्रयत्न सुरूच राहतील, असे यावेळी सांगण्यात आले.
कोणत्याही टिप्पण्या नाहीत:
टिप्पणी पोस्ट करा