अर्पित वाहाणे
वर्धा जिल्हा प्रतिनिधी
मो 8956647004
सायन मुंबई, १९ जानेवारी २०२६: मुंबईतील गुरुनानक कॉलेज ऑफ आर्ट्स, सायन्स अँड कॉमर्स (स्वायत्त), सायन येथील राज्यशास्त्र विभाग आणि संविधान क्लबतर्फे SYBA, TYBA राज्यशास्त्र तसेच MA लोक प्रशासनच्या विद्यार्थ्यांसाठी पुणे जिल्ह्यातील जुन्नर येथील ऐतिहासिक शिवनेरी किल्ल्याचे शैक्षणिक दौऱ्याचे आयोजन करण्यात आले. या दौऱ्याचे मुख्य उद्दिष्ट विद्यार्थ्यांना छत्रपती शिवाजी महाराजांच्या अभूतपूर्व प्रशासकीय कौशल्य आणि स्वराज्य स्थापनेच्या तत्त्वांशी परिचित करणे होते. प्राध्यापक सुमीत खरात, राजकारण शास्त्र विभाग प्रमुख यांनी ही संकल्पना मांडली, तर संविधान क्लब समन्वयक प्राध्यापक अनिकेत उबाळे यांनी आयोजनासाठी सर्व मेहनत घेतली. दौऱ्यादरम्यान प्राध्यापक अनिकेत उबाळे यांनी विद्यार्थ्यांनी किल्ल्याची रचना, सामरिक महत्त्व आणि शिवाजी महाराजांनी विकसित केलेली प्रशासकीय व्यवस्था जसे अष्टप्रधान मंडळ, महसूल प्रणाली आणि न्याय व्यवस्था यांची विद्यार्थ्यांना सखोल माहिती दिली.
या दौऱ्याचे प्रमुख उद्दिष्टे:
छत्रपती शिवाजी महाराजांच्या प्रशासकीय मॉडेलचे प्रत्यक्ष अनुभवातून आकलन करणे, जे आधुनिक लोक प्रशासनासाठी प्रासंगिक आहे.
ऐतिहासिक स्थळांना भेट देऊन राजकीय इतिहास आणि लोकशाही मूल्यांची समज वाढवणे.
विद्यार्थ्यांमध्ये ऐतिहासिक जागरूकता आणि संवैधानिक मूल्यांबाबत जागृती निर्माण करणे.
सैद्धांतिक ज्ञानाला व्यावहारिक दृष्टिकोनाशी जोडून शैक्षणिक उत्कृष्टतेला चालना देणे.
हा दौरा विद्यार्थ्यांसाठी केवळ ज्ञानवर्धकच नव्हता, तर राष्ट्रीय अभिमानाची भावना जागृत करणारा ठरला. कॉलेजच्या प्राचार्या डॉ. पुष्पिंदर कौर भाटिया आणि विभागाने विद्यार्थ्यांच्या उत्साहाचे कौतुक केले आणि भविष्यात असे आणखी कार्यक्रम घेण्याची घोषणा केली.
कोणत्याही टिप्पण्या नाहीत:
टिप्पणी पोस्ट करा