अर्पित वाहाणे
वर्धा जिल्हा प्रतिनिधी
मो 8956647004
आर्वी ग्राहकांना हक्कांची जाणीव व्हावी आणि तो बाजारात खरेदीच्या हक्कांबाबत सक्षम व्हावा, यासाठी २४ डिसेंबर हा दिवस राष्ट्रीय ग्राहक हक्क दिन म्हणून साजरा केला जातो. आर्वी तहसील कार्यालयात सुद्धा राष्ट्रीय ग्राहक हक्क दिन
बुधवारी साजरा करण्यात आला यावेळी कार्यक्रमाचे अध्यक्षस्थानी उपविभागीय अधिकारी विश्वास शिरसाट, मुख्य अतिथी अखिल भारतीय ग्राहक संरक्षण मंचाचे अध्यक्ष दादासाहेब गाडगे तसेच अखिल भारतीय ग्राहक मंचातर्फे डॉ. प्रसन्न कुमार बंब व शोभाताई कानफाडे उपस्थित होते.
अखिल भारतीय मंचातर्फे दादासाहेब घाडगे यांनी ग्राहक दिनाचे महत्त्व व ग्राहकाचे अधिकार बाबत मार्गदर्शन करून ग्राहकांना तक्रार करण्याचा हक्क ग्राहक जागृतीचा हक्क वस्तू अथवा सेवा संबंधी माहिती इत्यादी सह ग्राहक संरक्षण कायदा बाबत विस्तृत माहिती दिली. उपविभागीय अधिकारी विश्वास शिरसाट यांनी राष्ट्रीय ग्राहक दिन, ग्राहकाचे अधिकार इत्यादी बाबत माहिती देऊन मार्गदर्शन केले यावेळी समस्त तहसील कार्यालयातील व रास्तभाव दुकानदार उपस्थित होते. कार्यक्रमाचे आयोजन तहसीलदार हरीश काळे, पुरवठा निरीक्षक अधिकारी अनिता वानखडे, गोदाम व्यवस्थापक विजय दाईगडे तसेच कर्मचारी रणजीत देशमुख, हरीश वाघ, कृष्णा वानखडे, पायल निकम, अंकुश राठोड, हरिभाऊ मदनकर यांनी तहसील कार्यालय येथे केले संचालन रणजित देशमुख यांनी केले व आभार प्रदर्शन हरीश वाघ यांनी केले.
कोणत्याही टिप्पण्या नाहीत:
टिप्पणी पोस्ट करा