वर्धा अर्पित वाहाणे
आर्वी : निर्मल इंग्लिश स्कूल, आर्वीचा विद्यार्थी चेतन मेश्राम याने १७ वर्ष वयोगटातील जिल्हास्तरीय कॅरम स्पर्धेत उल्लेखनीय कामगिरी करत विभागीय स्तरावर आपली निवड सुनिश्चित केली आहे. त्याच्या कौशल्यपूर्ण खेळाने शाळेचे नाव उज्ज्वल केले असून, संपूर्ण परिसरात आनंदाचे वातावरण निर्माण झाले आहे.
चेतनच्या या यशाबद्दल शाळेचे सचिव अविनाशजी गोहाड, मुख्याध्यापिका सोनल भेंडे, उपमुख्याध्यापक प्रफुल क्षिरसागर, प्रशिक्षक अभिजित राऊत, शिक्षकवृंद तसेच पालकांनी त्याचे मनःपूर्वक अभिनंदन केले. शाळेच्या वतीने त्याला पुढील स्पर्धेसाठी शुभेच्छा देण्यात आल्या असून, त्याच्या यशाचा गौरव करत विद्यार्थ्यांसाठी प्रेरणादायी उदाहरण म्हणून त्याची नोंद घेतली जात आहे.
शाळेच्या क्रीडा विभागाने चेतनच्या सातत्यपूर्ण सराव, आत्मविश्वास आणि चिकाटीचे कौतुक केले असून, विभागीय स्तरावरही तो आपल्या खेळाने नक्कीच चमक दाखवेल, असा विश्वास व्यक्त करण्यात आला आहे.
कोणत्याही टिप्पण्या नाहीत:
टिप्पणी पोस्ट करा