रस्त्यावरचा झटणारा धडाडीचा कार्यकर्ता – सिद्धार्थ दामोधरे

अर्पित वाहाणे

वर्धा जिल्हा प्रतिनिधी

आर्वी _रक्तदात्यापासून चळवळीच्या अग्रभागी, आता नगरसेवक पदाच्या दिशेने वाटचाल_ 

 सामाजिक, धार्मिक आणि राजकीय क्षेत्रात सतत व सातत्याने समाजाच्या सेवेसाठी झटणाऱ्या कार्यकर्त्याची खरी ओळख त्याच्या कार्यातूनच पटते. लोकांच्या डोळ्यांतला विश्वास, लोकांच्या जिभेवर उमटणारी प्रशंसा आणि लोकांच्या मनात तयार झालेली जागा – हेच त्याच्या आयुष्याचे भांडवल असते.

आज सिद्धार्थ दामोधरे यांच्याबाबत बोलायचं झालं, तर हा केवळ कार्यकर्ता नाही तर संघर्षाचा पर्याय आहे. चळवळीत आक्रमकता, संघर्षात कणखरता, रस्त्यावर उतरण्याची तयारी आणि समाजातील पीडित-शोषित माणसाच्या न्यायासाठी झटणारा एक ‘धडाडीचा कार्यकर्ता’ अशी त्यांची ठळक ओळख आहे.

रक्तदान चळवळीपासून सुरुवात करून त्यांनी शेकडो रुग्णांना जीवनदान दिले. अनेक रक्तदान शिबिरांचे आयोजन करून रक्ताची गरज भागवली. त्यामुळे त्यांचा चेहरा समाजात रक्तदात्याचा, जीवदान देणाऱ्याचा बनला.

लग्नात वधू-वरांची मिळवणी असो, पीडित नागरिकांची शासकीय कामे मार्गी लावणे असो किंवा अडचणीत सापडलेल्या गरजूंच्या मदतीला धावून जाणे असो – सिद्धार्थ दामोधरे हे प्रत्येक ठिकाणी आघाडीवर दिसतात. त्यांचं म्हणणं स्पष्ट आहे – “संघटनेचं वजन पाठीशी असेल तर फसलेलं काम पटापट मार्गी लागतं. आणि मी यासाठीच पक्षात काम करतो – समाजातील प्रत्येकाची समस्या सोडवण्यासाठी!”

काळ्या करणारे, अडथळे निर्माण करणारे कार्यकर्ते वाढल्याने त्यांनी वंचित आघाडी सोडून आता आझाद समाज पार्टीमध्ये काम सुरू केलं. तरीदेखील बाळासाहेब आंबेडकरांविषयी त्यांच्या मनात अपार आदर व निष्ठा आहे. पण ज्या ठिकाणी अडथळे निर्माण होतात तिथे थांबून बसणं त्यांच्या रक्तात नाही. म्हणूनच नवे मार्ग स्वीकारून त्यांनी कामाला नवी गती दिली.

त्यांची लोकप्रियता एवढी आहे की शहरात ते घरातून बाहेर पडले की शेकडो लोक “जय भीम”, “नमस्कार”, “आदाब” म्हणत त्यांचे स्वागत करतात. ही लोकप्रियता त्यांच्या कामाची खरी पावती आहे.

कुटुंबाकडेही तितकंच लक्ष देणाऱ्या या कार्यकर्त्याची मुलगी दहावीला 92% गुण मिळवते आणि तिचा सत्कार जिल्ह्याचे कलेक्टर, अधिकारी, राजकीय नेते, शिक्षक करतात – ही बाब सिद्धार्थ दामोदरे यांच्यासाठी अभिमानाची गोष्ट आहे. धर्मकार्य असो, धम्मदान असो किंवा सामाजिक उठाव असो – ते सर्वत्र अविरत उपस्थित राहतात.

आता मात्र जनतेचा आग्रह, लोकांचा हट्ट स्पष्ट दिसतोय 

“आमच्या वार्डाचे नगरसेवक म्हणून यावेळेस सिद्धार्थ दामोदरेच हवेत!”

वर्धा लोकप्रियतेची, सामाजिक बांधिलकीची आणि धडाडीची पावती म्हणून या वेळेस सिद्धार्थ दामोधरे निवडणुकीच्या रिंगणात उतरले आहेत. संघर्ष, आक्रमकता, समाजसेवा आणि नेतृत्वगुण यांची सांगड घालणारा हा कार्यकर्ता खऱ्या अर्थाने ‘रस्त्यावरचा प्रखर योद्धा’ आहे.

आगामी निवडणुकीत हा प्रखर कार्यकर्ता नगरसेवक झाला तर लोकांच्या आशा-आकांक्षा नक्कीच पूर्ण होतील, यात शंका नाही.