यशवंत विद्यालय येथे महामानवास अभिवादन

अर्पित वाहाणे

वर्धा जिल्हा प्रतिनिधी

मो 8956647004

वर्धा आगरगावःस्थानिक यशवंत विद्यालय आगरगाव येथे विश्वरत्न, महामानव डॉ. बाबासाहेब आंबेडकर यांचा 69 व्या महापरिनिर्वाण दिना निमित्त अभिवादन करण्यात आले. सर्वप्रथम शाळेचे प्रभारी मुख्याध्यापक शशिकांत सानप यांच्या हस्ते डॉ,बाबासाहेब आंबेडकर यांच्या प्रतिमेचे पूजन व माल्यार्पण करण्यात आले. याप्रसंगी शाळेच्या ज्येष्ठ शिक्षक अभय कुंभारे व ज्येष्ठ शिक्षका सौ.कविता डेकाटे या प्रमुख पाहुणे म्हणून उपस्थित होते.. याप्रसंगी विद्यार्थ्यांची स्वयस्फुर्त भाषणे झाली.यावेळी अभय कुंभारे यांनी महापरिनिर्वाण दिनानिमित्त आपल्या भाषणातून डॉ. बाबासाहेब आंबेडकर यांना आदरांजली अर्पण केली.ते म्हणाले बाबासाहेब आंबेडकरांनी संविधान लिहून जे मोलाचे कार्य केले त्यामुळे संपूर्ण भारतवर्ष त्यांच्या या अमर कृतीच्या रूणाखाली सदैव राहिल. या कार्यक्रमाच्या वेळी शाळेतील संपूर्ण शिक्षक- शिक्षिका शिक्षकेत्तर कर्मचारी व विद्यार्थी बहुसंख्येने उपस्थित होते. या कार्यक्रमाचे संचालन कुमारी रूतीका नेहारे हिने केले तर उपस्थितांचे आभार आरुषी रोम हिने मानले.या कार्यक्रमाला यशस्वी करण्यासाठी शाळेतील शिक्षक शशिकांत सानप, अभय कुंभारे,सौ.कविता डेकाटे,व शिक्षकेत्तर कर्मचारी दिनेश नेहारे यांनी परिश्रम घेतले .

आगरगाव (तांडा)येथे समता सैनिक दलाच्या वतीने महिला व बालिका यांना कपडे व साड्याचे वितरण स्थानिकःदेवळी तालुक्यातील आगरगाव तांडा येथील सार्वजनिक वाचनालय येथे समता सैनिक दलाच्या वतीने छोट्या बालिकांना कपडे व महिलांना साड्यांचे वितरण करण्यात आले.गेल्या अनेक वर्षांपासून समता सैनिक दल पारधी तांड्यावरील वंचित विद्यार्थ्यांना शैक्षणिक प्रवाहात आणण्यासाठी मोलाचे कार्य करीत आहे.त्यांच्या गरजा लक्षात घेऊन त्यांना दरवर्षी पुस्तके व नोटबुक वाटपाचा कार्यक्रम होत असतो.यावेळी मदतीचा हात म्हणून तेथील बालीका यांना कपडे व महिलांना साड्यांचे वाटप करण्यात आले. यावेळी कार्यक्रमाचे अध्यक्ष म्हणून समता सैनिक दलाचे वर्धा जिल्हा संघटक अभय कुंभारे तसेच आदिवासी फासे पारधी बहुउद्देशीय संस्थेचे संस्थापक अध्यक्ष तथा समता सैनिक दल आगरगाव तांडा बौध्दिक प्रमुख अचिन पवार,समता सैनिक दल आगरगाव तांडा शाखा संघटक अजित पवार,आगरगाव शाखा संघटक आदर्श हाडके ,शाखा संरक्षक आकाश पवार हे प्रामुख्याने उपस्थित होते.समता सैनिक दल जिल्हा संघटक तथा विदर्भ विशेष प्रचारक यांच्या हस्ते कपडे व साड्या वितरीत करण्यात आले.यावेळी मान्यवरांनी आपले मनोगत व्यक्त केले . या कार्यक्रमाचे संचालन आकाश पवार याने केले तर उपस्थितांचे आभार अचिन पवार यांनी मानले. कार्यक्रमाला यशस्वी करण्यासाठी योगिता संदीप भोसले,प्रतिभा अजमान चव्हाण,मीना सचिन पवार,सावनी विशाल पवार,रजनी राहुल चव्हान,अमिषा संदीप भोसले,निर्जुना काळे आदिंनी परिश्रम घेतले.